समाचार

आकाशवाणी ले ’रमन के गोठ’ के प्रसारण

रायपुर, 11 फरवरी 2017। आकाशवाणी के रायपुर केन्द्र ले मुख्यमंत्री डॉ. रमन सिंह के मासिक रेडियो वार्ता ’रमन के गोठ’ के 18वीं कड़ी काली इतवार 12 फरवरी को बिहनिया 10.45 बजे ले 11.05 बजे तक प्रसारित करे जाही। छत्तीसगढ़ राज्य म स्थित आकाशवाणी के जम्‍मो केन्द्र अऊ एफएम रेडियो स्टेशन एला एक संग रिले करहीं। उही दिन आकाशवाणी के जम्‍मो केन्द्र मन ले ये कार्यक्रम रतिहा 8.00 बजे ले 8.20 बजे तक घलोक प्रसारित करे जाही। एखर अलावा दूरदर्शन के रायपुर केन्द्र ले आघू दिन सोमवार 13 फरवरी को मंझनिया 3.30 बजे ए कार्यक्रम के प्रसारण होही। मुख्यमंत्री के ये वाले मासिक रेडियो वार्ता इतवार 12 फरवरी को बिहनिया 10.45 बजे ले 11.05 बजे तक कई प्राईवेट टेलीविजन चैनल मन ले निःशुल्क प्रसारित करे जाही। आईबीसी-24, ई.टीव्ही, जी-न्यूज, सहारा समय अऊ स्वराज एक्सप्रेस ले घलोक ए समे म मुख्यमंत्री के ये वाले कार्यक्रम प्रसारित करे जाही।